Lisa Schürger og Byr frá Strandarhjáleigu eru efst

Það styttist í Heimsmeistaramótið í Hollandi í ágúst en nú eru 2 dagar þangað til að mótið formlega hefst. Gaman er að glugga í WR listana og sjá hvaða knapar hafa verið að ná hæstu einkunnum og bestu tímunum í hverri grein. WR listinn er byggður á þremur hæstu einkunnunum/bestu tímum sem knapi og hestur hafa náð sér í á WR mótum síðustu tvö ár.

Efst á WR listanum í samanlögðum fimmgangsgreinum eru Lisa Drath og Byr frá Strandarhjáleigu með meðaleinkunnina 7.63. Annar er Caspar Hegardt á Odda från Skeppargården og þriðja Erik Andersen á Farsæl fra Midtlund.  Þau eru öll skráð til leiks á Heimsmeistaramótinu, Lisa keppir fyrir Þýskaland, Caspar fyrir Svíþjóð og Erik fyrir Noreg.

Lisa er líka efst á árslistanum en þau hafa hæst hlotið 7,66 í einkunn í samanlögðum greinum í ár. Eitt par hefur komist nokkuð nálægt þeim en þeir Jakob Svavar Sigurðsson og Nökkvi frá Hrísakoti hlutu 7,60 í einkunn þegar þeir urðu Íslandsmeistarar í samanlögðum fimmgangsgreinum fyrr í sumar.

Þorgeir Ólafsson á Goðasteinn frá Haukagili, Benjamín Sandur Ingólfsson á Júní frá Brúnum og Benedikt Ólafsson á Leiru-Björk frá Naustum III eru skráðir í þær greinar sem þarf til til að geta orðið samanlagðir fimmgangssigurvegari. Þorgeir og Goðasteinn hafa náð góðum árangri og eru með meðaleinkunnina 7,29. Benjamín og Júní eru ekki með neinn keppnisárangur og Benedikt og Leira-Björk hafa ekki reynt í ár við samanlagðan árangur svo það verður gaman að fylgjast með hvernig það fer í næstu viku.

WR listinn í samanlöðgum fimmgangsgreinum