Meistaradeild KS í hestaíþróttum

25. mars 2019
Fréttir

Keppni í fjórgangi fer fram miðvikudagskvöldið 27.mars í Svaðastaðahöllinni á Sauðárkróki. Hér fyrir neðan er ráslisti í þeirri keppni.

Keppni hefst klukkan 19:00 og eru allir áhugamenn um góða reiðmennsku og íslenska hestinn hvattir til að mæta og fylgjast með.

Sigurvegarnir frá því í fyrra, Lilja S. Pálmadóttir og Mói frá Hjaltastöðum, mæta aftur til leiks og eru til alls líkleg. Tveir leynigestir eru skráðir til leiks, en lið geta einu sinni á keppnistímabilinu teflt fram leynigesti sem ekki er skráður í lið í meistaradeild KS. Sina Scholz sem sigraði í síðustu keppni á Nóa frá Saurbæ, en þá var keppt í fimmgangi, mætir einnig með hann í fjórgang. Ísólfur Líndal mætir á Krumma frá Höfðabakka en þeir sigruðu gæðingafimi og urðu í öðru sæti í slaktaumatölti.
Fanney Dögg Indriðadóttir og Trygglind frá Grafarkoti sigruðu keppni í slaktaumatölti eftirminnilega og eru þær stöllur skráðar til leiks í fjórgangi. Þessi undantöldu eru aðeins brot af þeim úrvals knöpum og hestum sem skráðir eru til leiks á miðvikudagskvöldið.

Nr. Knapi Hestur Lið

Fjórgangur V1 Opinn flokkur – Meistaraflokkur

1 Fanney Dögg Indriðadóttir Trygglind frá Grafarkoti Skoies/Prestige

2 Magnús Bragi Magnússon Sigurvon frá Íbishóli Lið Flúðasveppa

3 Sina Scholz Nói frá Saurbæ Hrímnir

4 Artemisia Bertus Lyfting frá Hvammi Þúfur/Skoies

5 Anna Björk Ólafsdóttir Ölur frá Akranesi Leiknisliðið

6 Elvar Einarsson Gjöf frá Sjávarborg Hofstorfan

7 Heiðrún Ósk Eymundsdóttir Nikulás frá Saurbæ Team Kerckhaert

8 Viðar Bragason Lóa frá Gunnarsstöðum Team Byko

9 Bjarni Jónasson Fannar frá Hafsteinsstöðum Hofstorfan

10 Ísólfur Líndal Þórisson Krummi frá Höfðabakka Skoies/Prestige