Mikið um að vera í hestamennskunni næstu daga!

Framundan í næstu viku eru hinir ýmsu viðburðir víða um landið. Blaðamaður Eiðfaxa lagðist í rannsóknarvinnu og hér fyrir neðan má sjá dagskrá næstu vikuna, en ákveðið var að leyfa sunnudeginum 8.mars að vera með í upptalningunni þar sem hann er viðburðarríkur.

Í dag átti að fara fram í reiðhöllinni á Flúðum mótið Æska Suðurlands en því hefur verið frestað um óákveðin tíma vegna veðurs.

Meistaradeild KS er á dagskránni á miðvikudagskvöld, að sjálfsögðu í beinni útsendingu á vef Eiðfaxa. Nú verður keppt í Léttishöllinni á Akureyri og er verkefni kvöldsins fjórgangur.

Fimmtudagskvöldið 5.mars er keppt í slaktaumatölti og Flugskeiði í Equsanadeildinni. Þá ætla Dalamenn að gera sér glaðan dag því keppt verður í Nesoddahöllinni í Búðardal.

Föstudagskvöldið 6.mars er Meistaradeild Ungmenna í Fákaseli og er nú keppt í gæðingafimi. Snæfellingsmótaröðin er þá haldinn sama kvöld í reiðhöllinni á Söðulsholti.

Laugardagurinn 7.mars er keppt í Grímutölti á Álftanesi og þá eru fjölmörg hestamannafélög með vetrarleika.

Sunnudaginn 8.mars er svo keppt í gæðingafimi í Meistaradeildinni í Samskipahöllinni. Á sama tíma er keppt í Meistaradeild Líflands og æskunnar í TM höllinni í Víðidal.

1.mars

Æska Suðurlands – Reiðhöllin Flúðum – Frestað

3.mars

Suðurlandsdeildin – fimmgangur – Rangárhöllin

4.mars

Meistaradeild KS – Fjórgangur – Léttishöllin

5.mars

Equsanadeildin – slaktaumatölt og flugskeið – Samskipahöllin

Tölt í Nesoddahöllinni Búðardal

6.mars

Meistaradeild Ungmenna – Gæðingafimi – Fákasel

Snæfellingsmótaröðin – Söðulsholti

7.mars

Grímutölt – Álftanesi

Gæðingaleikar Sleipnis og GDLH

2.Vetrarleikar Sörla

2.Vetrarleikar Harðar

2.Vetrarleika Mána

8.mars

Meistaradeildin í hestaíþróttum – Gæðingafimi – Samskipahöllinni

Meistaradeild Líflands og æskunnar – T2 og flugskeið – TM höllin Fáki

Folaldasýning Hrossaræktarfélags Flóahrepps – Reiðhöll Sleipnis

Við vinnslu fréttarinnar var stuðst við Mótaskrá LH.  Við biðjumst velvirðingar ef viðburði vantar í upptalninguna.

Endilega sendið okkur póst á [email protected] ef þið viljið koma upplýsingum um mótahald eða aðra viðburði á framfæri.