Niðurgreiða hluta sýningargjalda

Hrossaræktarfélag Hrunamanna niðurgreiðir að hluta sýningargjöld kynbótahrossa sem félagsmenn mættu með í fullnaðardóm árið 2023 en þetta kemur fram í tilkynningu frá félaginu.

Styrkurinn nemur 10.000 kr. á hvert hross og þarf hrossið að vera ræktað af og í eigu félagsmanna þegar það var sýnt.

Inn á facebook síðu félagsins eru félagsmenn hvattir til að sækja um niðurgreiðsluna.