Útför Jóns Steinbjörnssonar

Jón Steinbjörnsson verður jarðsettur frá Sauðárkrókskirkjugarði, fimmtudaginn 5.nóvember klukkan 14:00.

Jón Steinbjörnsson, oftast kallaður Nonni, lést 22. ágúst eftir veikindi. Nonni var mikill hestamaður og lagði mikið af mörkum til ræktunar og útbreiðslu íslenska hestsins, ekki síst í Þýskalandi. Hann var einn af sendiherrum íslenska hestsins. Hann flutti út mörg hundruð hross og kom að sölu þeirra og vann ötullega að kynningarstarfi íslenska hestsins á erlendri grundu.

Nonni var fæddur og uppalinn á Hafsteinsstöðum í Skagafirði og hafði unnið meira og minna fyrir sér við tamningar og þjálfun hér heima áður en hann flutti til Þýskalands árið 1984. Hann hlaut viðurkenningu frá þýska landssambandinu fyrir lífsstarf sitt í þágu hestamennsku bæði í ræktun og útbreiðslu íslenska hestsins en hann var sá fyrsti til að hljóta þessa viðurkenningu frá sambandinu.