Hver er þín framtíðarsýn fyrir Landsmót?
Landssamband hestamanna hefur sett af stað könnun um Landsmót Hestamanna sem á sér langa og merkilega sögu og nú er unnið að framtíðarsýn fyrir mótið. Hvað viljum við halda í? Hvað eigum við að gera meira af, minna af eða jafnvel hætta? Og hvar liggja tækifærin, hér heima og erlendis?
Í tilkynningu frá sambandinu kemur m.a. fram að til að svara þessum spurningum þurfi að heyra frá sem flestum. Líka frá þeim sem mæta sjaldan eða hafa aldrei mætt á Landsmót. Þín skoðun skiptir máli.
Könnunin er stutt (tekur aðeins um 5 mínútur) og nafnlaus. Svörin verða eingöngu notuð í þessari vinnu og ekki rakin til einstaklinga.
Hún verður opin til 9. nóvember og niðurstöðurnar verða nýttar sem grunnur að vinnu vinnuhóps sem mótar framtíðarsýnina og skilar tillögum til stjórnar LH.
Uppsveitadeildin 2027 