Reiðhallir opna og skólahald hefst að nýju

Í dag 4.maí hefur samkomubanni verið aflétt að hluta og eru fjöldatakmarkanir nú miðaðar við 50 manns í stað 20 eins og verið hefur.

Af þessu tilefni munu reiðhallir nú opna en verða takamarkaðar við það að mest mega 4 fullorðnir þjálfa innandyra í einu og þurfa knapar að gæta 2ja metra reglunnar auk handþvottar og sprittunar eins og áður.

Þá opna háskólar að nýju í dag, meðal þeirra er Háskólinn á Hólum og verður því líf þar á göngunum að nýju. Eins og Eiðfaxi sagði frá hafa kennarar við skólann nýtt sér fjarnámslausnir við reiðkennslu. Þann 5.júní er svo stefnt að reiðsýningu brautskráningarnema og útskrift.