Opið fyrir umsóknir í Samskipadeildina, áhugamannadeild Spretts

Stefnt er á glæsilega mótaröð árið 2025 og hafa dagsetningar verið teknar frá í Samskipahöll.

Ný lið sem hafa áhuga á að koma í deildina þurfa að skila inn umsóknum fyrir  19. október n.k. Með umsókn þurfa að fylgja með staðfest nöfn fimm knapa liðsins.

Þau lið sem féllu úr deildinni 2024 geta sótt um aftur og fara í pottinn ásamt öðrum nýjum liðum sem sækja um í Áhugamannadeild Spretts 2025.

Þau lið sem eiga sæti þurfa að senda inn staðfestingu á þátttöku á komandi tímabili með staðfest nöfn fimm knapa.

Riðin verða B-úrslit í öllum greinum nema gæðingaskeiði, sigurvegari B-úrslitanna ríður ekki líka A-úrslit

Umsóknir sendist á ahugamannadeild@sprettur.is fyrir 19. október n.k.

Við minnum á reglur Áhugamannadeildar Spretts – liður 7 – um hvaða knapar hafa keppnisrétt í deildinni.

Hafa þeir knapar sem uppfylla önnur skilyrði 7. gr. reglnanna keppnisrétt.

7. Keppendur í Áhugamannadeildinni – inngangsskilyrði liða sem sækja um í deildina.

7.1. Knapar sem hafa töluverða reynslu af keppni en deildin er ekki byrjendadeild.

7.2. Knapar sem ekki hafa keppt í F1, V1, T1, T2 eða Meistaradeild síðastliðið 1 ár.

7.3. Öll gæðingakeppni, á öllum stigum, og kappreiðar er undanskilin þ.e.a.s. heimilt er að keppa í gæðingakeppni og kappreiðum án þess að það hafi áhrif á inngangskilyrði.

7.4. Þessar reglur gilda um öll mót, einnig innanhúsmót.

7.5. Knapar sem hafa ekki haft laun af tamningu eða þjálfun hesta seinustu 3 ár .

7.6. Lágmarksaldur keppenda í Áhugamannadeild er 22 ár.

7.7. Stjórn Áhugamannadeildar Spretts hefur loka ákvörðunarvald um hvort knapar uppfylla inngangskilyrði.

7.8. Keppendur sem falla úr fyrstu deild niður í Áhugamannadeild.

7.9. Öllum keppendum sem eru í liði sem fellur úr 1. Deild í hestaíþróttum niður í Áhugamannadeild er heimil þátttaka og eiga því reglur 7.1-7.6 ekki við í þessu tilfelli.

7.10. Keppendur sem hafa verið í liði í Áhugamannadeild á síðustu 3 árum geta komið inn í deildina hvort sem er, nýtt lið sem sækir um eða í lið sem er í deildinni.

Dagsetningar móta 2025 

20. febrúar (fimmtudagur) fjórgangur

13. mars (fimmtudagur) slaktaumatölt

4. apríl (föstudagur) fimmgangur

25. apríl (föstudagur) tölt

26. apríl (laugardagur) skeið og lokahóf

Stjórn Spretts hvetur hestamenn að safna saman í lið og sækja um í Áhugamannadeild Spretts 2025

Hlökkum til að sjá ykkur í vetur.