Skeiðmót Meistaradeildar KS

Keppni í gæðingaskeiði og 150 metra skeiði í Meistaradeild KS fram á morgun, sunnudaginn 12.apríl, á Sauðárkróki og hefst keppni klukkan 11:00. Er þetta næst síðasta mótið í deildinni á þessu keppnistímabili en lokamótið fer fram þann 17.apríl þegar keppt er í tölti og flugskeiði í gegnum Svaðastaðahöllina þar sem mótið fer fram.  Skeiðmótið er í boði Steinullar hf og Steypustöðvar Skagafjarðar og sýnt er beint frá mótinu á EiðfaxaTV.

Flugavekurð í fyrirúmi

Mörg frábær skeiðhross eru skráð til leiks bæði í gæðinga- og 150 metra skeiði. Í gæðingaskeiði ber fyrstan að nefna Konráð Val Sveinsson á Kastori frá Garðshorni á Þelamörk, sem þarf vart að kynna fyrir þeim sem fylgjast með hestaíþróttum. Þá er Daníel Gunnarsson og Strákur frá Miðsitju á ráslista en þeir standa ofarlega á stöðulista síðasta árs í þessari grein með 8,08 í einkunn á Reykjavíkurmeistaramóti. Auk þessara kappa eru mörg hross sem afrek hafa sýnt á skeiði, bæði í öðrum keppnisgreinum sem og kynbótadómi á meðal keppenda, og allt getur gerst.

Þegar rennt er yfir þátttakendur í 150 metra skeiðinu ber líka að nefna fyrstan Konráð Val á Kjarki frá Árbæjarhjáleigu, einum sigursælasta skeiðhesti allra tíma sem er efstur á stöðulista síðasta ár í þessari grein á 13,91 sekúndu. Þá hafa Mette Mannseth og Vívaldi frá Torfunesi gert það ákaflega gott í hinum ýmsu skeiðgreinum og þar á meðal 150 metra skeiði. Þá hafa þær Tign frá Ríp sem setinn er af Sigurði Heiðari Birgissyni og Hrina frá Hólum sem Þórey Þula Helgadóttir keppa á náð í góða tíma í þessari vegalengd.

En fyrri árangur og spádómar hafa lítið með það að gera hvernig fer að lokum og því vert að fylgjast með þessum spennandi skeiðdegi í Meistaradeild KS í hestaíþróttum á Sauðárkróki.

Ráslistar