Skráning á Opið töltmót fer fram í dag

 

„Hestamenn nú er mál að taka  daginn frá og bruna suður með sjó og taka þátt í skemmtilegu töltmóti þar sem léttur andi svífur yfir vötnum og boðið verður upp á 3 flokka til að velja úr og aðalatriðið er að vera með og taka þátt.  

 

Skráning verður á [email protected]  og á þriðjudagskvöldið 6. mars milli kl. 20-22. Símar: 861-9641, 861-2030, 869-3530,866-0054 og 893-3123  Skráningargjald er kr 2.500 og greiðist við skráningu.  Við skráningu þarf að gefa upp IS númer upp á hvaða  hönd menn fara, grein sem skráð er í  og kortanúmer og gildistíma. 

 

Keppt verður í eftirfarandi flokkum:

 

Einn keppir í einu. 

Verkefni: 

1. Keppni hefst á miðri skammhlið, riðinn er einn hringur á hægu tölti upp á hvora hönd sem er. 

Hægt niður á fet á miðri skammhlið og skipt um hönd. 

2. Riðið er af stað á miðri skammhlið á hægu tölti og riðinn einn hringur með greinilegum hraðabreytingum á langhliðum. 

3. Frá miðri skammhlið er riðinn einn hringur á yfirferðartölti.

 

Tveir eða fleiri knapar eru á hringvellinum í einu í þessari keppnisgrein. Hestarnir sýna þrjú verkefni eftir fyrirmælum þular. Þeir hefja keppni upp á þá hönd sem þeir eru skráðir í ráslista 

Verkefni: 

1. Hægt tölt. 

Hægt niður á fet og skipt um hönd 

2. Hægt tölt, greinilegur hraðamunur á langhliðum, hægt tölt á skammhliðum.. 

3. yfirferðartölt.

 

Í þessari grein eru 2 eða fleiri knapar á hringvellinum í einu. Atriði eru sýnd samkvæmt fyrirmælum þular eins og lýst er í 5.4.2. Þeir hefja keppni upp á þá hönd sem þeir eru skráðir í rásröð.

Verkefni:

Hægt tölt – hægt niður á fet og skipt um hönd

Frjáls ferð á tölti.“