Spennandi keppni framundan í Hafnarfirði

Annað mót vetrarins í 1. deild Hringdu fer fram föstudagskvöldið 27. febrúar í reiðhöll Sörla í Hafnarfirði. Að þessu sinni er það hin krefjandi grein gæðingalist sem er á dagskrá. Remax býður gestum frítt í höllina og verður boðið upp á glæsilegt hátíðarblaðborð fyrir þá sem vilja gera sér glaðan dag.

Mótið hefst klukkan 19:00. Alls mæta 24 knapar til leiks og er ráslistinn stútfullur af gæðingum og snjöllum knöpum.

Staðan í deildinni

Eftir fyrstu greinina, fjórganginn, er mjög mjótt á munum í liðakeppninni. Lið Hrímnis leiðir með 59,5 stig, en lið Fornusanda fylgir fast á hæla þeirra með 58,5 stig.

Í einstaklingskeppninni er Þórdís Inga Pálsdóttir efst eftir sigurinn í fjórgangi, en hún sigraði þar á Móses frá Flugumýri.

Reynsla og nýir hestar

Þótt reynslan vegi þungt í gæðingalist, er alltaf rými fyrir óvænta sigra. Af þeim pörum sem komust í úrslit í fyrra mæta tvö aftur til leiks:

Snorri Dal og Gimsteinn frá Víðinesi (4. sæti í fyrra)

Sigvaldi Lárus Guðmundsson og Fenrir frá Kvistum (6. sæti í fyrra)

Aðrir sterkir keppendur úr röðum efstu manna frá því í fyrra mæta með ný hross. Benedikt Ólafsson, sem hafnaði í 3. sæti í fyrra, teflir nú fram Rökkva frá Ólafshaga. Þórdís Inga Pálsdóttir mætir á Jarli frá Skúfsstöðum og Katla Sif Snorradóttir mætir til leiks eftir að hafa sýnt frábæra takta í þessari grein í Meistaradeild KS í fyrra.

Þá er einnig þar að finna knapan sem varð í þriðja sæti á síðasta keppnistímabili, Benedikt Ólafsson, hann teflir rnú fram Rökkva frá Ólafshaga en var í fyrra á Biskupi frá Ólafshaga. Þá var Þórdís Inga Pálsdóttir einnig í einu af toppsætunum í fyrra á Móses frá Flugumýri en er nú skráð til leiks á Jarli frá Skúfsstöðum. Þá gerði Katla Sif Snorradóttir vel á Sæmari frá Stafholti í þessari grein í Meistaradeild KS í fyrra og var í toppbaráttu.

Eins og allir vita að þá skiptir árangur fyrri ára ekki öllu máli þegar keppni hefst en reynsla er þó dýrmæt. Til viðbótar við þá sem stóðu sig vel í þessari grein í fyrra er vert að nefna Fredricu Fagerlund sem hefur verið einn af fremstu knöpum landsins í þessari grein á síðustu árum, hún keppir nú á Sjarmi frá Fagralundi. Þá má einnig finna pör sem hafa gert það gott í keppni í hinum ýmsu greinum líka og Helga Þór Guðjónsson og Þröst frá Kolsholti II sem urðu í 2.sæti í B-flokki á síðasta Landsmóti og Ólaf Þórisson á Fáfni frá Miðkoti sem hefur farið vel af stað á keppnisbrautinni.

Til viðbótar er að finna á ráslistanum mörg hátt dæmd hross í kynbótadómi sem eru að stíga sín fyrstu skref á keppnisbrautinni og er alltaf fróðlegt og spennandi að sjá hvernig þeim tekst til.

Ráslisti í gæðingalist

1. Helgi Þór Guðjónsson Þröstur frá Kolsholti 2 Horseday
2. Ólafur Þórisson Fáfnir frá Miðkoti Fornusandar
3. Benedikt Ólafsson Rökkvi frá Ólafshaga Hrímnir
4. Hulda Sveinbjörnsdóttir Lifri frá Lindarlundi Vindás/stóðhestaval
5. Frederica Fagerlund Sjarmur frá Fagralundi Kidka/hestakofi
6. Katla Sif Snorradóttir Sæmar frá Stafholti Sportfákar
7. Ólöf Rún Guðmundsdóttir Hraundís frá Selfossi Tommy Hilfinger
8. Thelma Dögg Tómasdóttir Bóel frá Húsavík Hringdu
9. Þórdís Inga Pálsdóttir Jarl frá Skúfsstöðum Hrímnir
10. Anna Valdimarsdóttir Ólsen frá Egilsá Horseday
11. Lea Schell Húni frá Efra-Hvoli Fornusandar
12. Rakel Katrín Sigurhansdóttir Heiða frá Skúmsstöðum Tommy Hilfinger
13. Anna Björk Ólafsdóttir Spenna frá Bæ Sportfákar
14. Þorvaldur Logi Einarsson Saga frá Kálfsstöðum Kidka/hestakofi
15. Hermann Arason Náttrún Ýr frá Herríðarhóli Vindás/stóðhestaval
16. Reynir Örn Pálmason Agnar frá Margrétarhofi Hringdu
17. Friðdóra Friðriksdóttir Hallsteinn frá Hólum Horseday
18. Snorri Dal Gimsteinn frá Víðinesi 1 Sportfákar
19. Sigvaldi Lárus Guðmundsson Fenrir frá Kvistum Fornusandar
20. Sigrún Högna Tómasdóttir Rökkvi frá Rauðalæk Hringdu
21. Sunna Sigríður Guðmundsdóttir Ófeigur frá Þingnesi Tommy Hilfinger
22. Bjarney Jóna Unnsteinsdóttir Hrafn frá Ytri-Skógum Hrímnir
23. Birna Olivia Ödqvist Hrafn frá Oddsstöðum I Vindás/stóðhestaval
24. Haukur Bjarnason Losti frá Skáney Kidka/hestakofi