Stefnt að 100 milljón króna aukafjárveitingu til reiðvegamála

  • 10. maí 2021
  • Fréttir

Sigurður Ingi Jóhannsson samgönguráðherra og Guðni Halldórsson formaður LH með stóðhestinn Eld frá Torfunesi. mynd: LH

Undanfarið hafa hestamenn verið að kalla eftir auknu fé til reiðvegamála, bæði á opinberum vetvangi sem og í samtölum við ráðamenn. Það er því ánægjulegt að segja frá því að við undirritun sáttmála hestafólks og annarra vegfarenda og frumsýningu fræðslumyndbands um viðbragð hestsins í umferðinni síðastliðinn laugardag tilkynnti samgönguráðherra um fyrirhugaða aukafjárveitingu til reiðvegamála sem liggur fyrir Alþingi. Er þar um að ræða sértæka fjárveitingu að fjárhæð kr. 100.000.000,- sem kemur til afgreiðslu á þessu ári og næsta. Verða því framlög ríkissins til reiðvegamála kr. 125.000.000,- hvort ár.

Er þetta mikið ánægjuefni fyrir okkur hestamenn og mun reiðveganefnd LH funda á allra næstu dögum til að fara yfir hvernig þessari fjárveitingu verður sem best varið.

Þetta kemur fram á vef LH.

Nýjasta tölublað

Tengdar greinar

<