Stjörnutölt á laugardag

 

„Húsið opnar klukkan 19:30 og mót hefst stundvíslega hálftíma síðar. Von er á gríðarlega sterku móti í ár og verður vafalaust frábær skemmtun fyrir áhorfendur. Stjörnutöltið hefur sjaldan eða aldrei verið jafn glæsilegt og ljóst að fjölmennt verður á pöllunum í ár.

 

Í fyrra sigraði Eyjólfur Þorsteinsson á Klerki frá Bjarnanesi, eftir mikla baráttu við Sigurð Sigurðarson á Glæðu frá Þjóðólfshaga og Árna Björn Pálsson á gæðingnum Furu frá Enni. Ljóst er að árið í ár verður engu síðra og von á frábærri skemmtun fyrir áhorfendur.

 

Tökum laugardagskvöldið frá og fjölmennum á Stjörnutölt Léttis,“ segir í tilkynningu frá hestamannafélaginu Létti.