Styttist í næstu keppni í Meistaradeildinni

Keppni hefst stundvíslega klukkan 19:00 þegar keppt verður í slaktaumatölti. Keppnin verður haldin í HorseDay höllinni, Ingólfshvoli og má gera ráð fyrir að fremstu hestar landsins mæti til leiks.

HRINGDU býður frítt í stúkuna, þannig að áhorfendur geta tryggt sér sæti og upplifað keppnina í einstakri stemningu á staðnum. Fyrir þá sem vilja gera kvöldið enn betra verður Veisluþjónusta Suðurlands með glæsilegt hlaðborð á staðnum, og gestir sem panta fyrir fram fá frátekið sæti á besta stað í stúkunni. Pantanir fara fram á Dineout.is. Húsið opnar klukkan 17:00

Fyrir þá sem komast ekki í höllina verður keppnin sýnd í beinni útsendingu á www.eidfaxitv.is þar sem hægt verður að fylgjast með keppninni ásamt áhugaverðum viðtölum þar sem kappkostað verður að senda stemninguna úr höllinni heim í stofu!

Steikarhlaðborð og frátekið sæti í stúkunni! ​-Verð 4.990kr.

Aðalréttir

• Fyllt kalkúna bringa
• Hægeldað og grillað lamb

Meðlæti

• Bakaðar kartöflur kryddaðar með hvítlauk og timíaN
• Ristað rótargrænmeti
• Sætkartöflusalat með döðlum og heslihnetum
• Perlubyggsalat með kryddjurtum og grilluðum paprikum
• Brokkolí- og trönuberjasalat
• Laufsalat fyrir ferskleika
• Sósur
• Rauðvínssósa og villisveppasósa

Einnig verða til sölu:

• 12” pizzur – Margarita – Pepperoni og rjómaostur – Skinka og ananas
• Kjúklingavængir og nachos með heitri ostasósu
• …og aðrar léttar veitingar fyrir gesti og gangandi.​

Allir að mæta í HorseDay höllina á fimmtudaginn.