Sýning tamninganema á Hólum

Á laugardaginn fjölmenntu eigendur tamningatryppa að Hólum til að sjá árangur haustsins,..

en nemendur á öðru ári hafa í haust verið með 2 tryppi hvert í frumtamningu. Þessi tryppi koma víða að, en auk tryppa í eigu Hólaskóla senda margir hesteigendur hross í frumtamningu til nemenda sem vinna með þau undir leiðsögn reiðkennara.
Eigendur voru almennt ánægðir með afraksturinn. Sýndu nemendur tryppin fyrst inní reiðhöll og í framhaldi í reið úti.
Að sýningu lokinni tóku eigendur við tryppunum og fóru með til síns heima. Margir nemendur höfðu á orði að þetta væri svolítið sérkennileg stund og hálf erfitt að kveðja tryppin eftir nána samvinnu síðustu mánuði.