Tvær taktfastar – video

Fjöldinn allur af 5 vetra hryssum hafa náð einkunnarlágmörkum. Flokkurinn telur nú 53 hryssur, þar af 13 hryssur sem hlotið hafa einkunnina 5 fyrir skeið. Meðfylgjandi eru tvö myndskeið af hryssum sem við getum búist við að sjá á Landsmóti í sumar.

Hviða frá Skipaskaga er með næsthæstu einkunn 5 vetra hryssa, á eftir Kolku frá Hákoti. Hviða er undan Blæ frá Torfunesi og Von frá Litlu-Sandvík og hlaut hún í aðaleinkunn 8,30, þar af 8,33 fyrir sköpulag og 8,27 fyrir hæfileika. Sýnandi Hviðu var Hinrik Bragason.

Vænting frá Kaldbak er sömuleiðis komin inn á Landsmót, en hún hlaut í aðaleinkunn 8,06. Fyrir sköpulag fékk hún 8,06 og 8,00 fyrir hæfileika, þar af einkunnina 9 fyrir tölt, stökk og fegurð í reið. Vænting er undan Takti frá Tjarnarlandi og Bendingu frá Kaldbak sem er sammæðra Mídasi frá Kaldbak. Sýnandi Væntingar var Eva Dyröy.