Viðar Ingólfs reið á vaðið

8. ágúst 2024
Fréttir

Anne Frank og Vökull efst að lokinni forkeppni

Í dag er fyrsti keppnisdagurinn á Norðurlandamótinu í Herning þegar keppt er í fimmgangi, B-flokki gæðinga, unglingaflokki í gæðingakeppni og gæðingaskeiði. Dagskrá mótsins má nálgast með því að smella hér

Það var reynsluboltinn Viðar Ingólfsson sem reið á vaðið fyrir íslenska landsliðið en hann var eini keppandinn fyrir hönd Íslands í fimmgangi í meistaraflokki. Hesturinn sem Viðar keppti á er sænsk fæddur geldingur, Týr från Svala Gård, undan Símoni frá Efri-Rauðalæk og Hildi från Gibraltar.

Hlaut hann í einkunn 6,50 og sæti í A-úrslitum sem fram fara á sunnudaginn.

Efst að lokinni forkeppni er Anna Frank Andresen á Vökli frá Leirubakka en þau hlutu í einkunn 6,93, í öðru sæti er Nils-Christian Larsen á Gusti vom Kronshof með 6,83 í einkunn og í þriðja sætinu er Berglind Guðmundsdóttir á Sæ frá Ysta-Gerði

Næst á dagskrá er fimmgangur í ungmennaflokki þar sem Ísland á þrjá keppendur þau Hulda María Sveinbjörnsdóttir, Védís Huld Sigurðardóttir og Matthías Sigurðsson.

Niðurstöður úr forkeppni í fimmgangi meistara

#	Knapi	Hestur	Einkunn
1	Anne Frank Andresen	Vökull frá Leirubakka	6.93
2	Nils-Christian Larsen	Gustur vom Kronshof	6.83
3	Berglind Gudmundsdottir	Sær frá Ysta-Gerði	6.67
4	Viðar Ingólfsson	Týr från Svala Gård	6.50
5	Steffi Svendsen	Saga fra Teland	6.43
6	Gudmundur Einarsson	Draumur från Tängmark	6.40
7	Laura Nyström	Gilda fra Stenkullagård	6.33
8	Lene Thorud	Laxnes frá Lambanesi	6.03
9	Susanne Larsen Murphy	Völsungur frá Skeiðvöllum	5.97
10	Bjarne Fossan	Valíant fra Fossan	5.93
11	Desirée Alameri	Nikulás fra Guldbæk	5.87
12	Mona Fjeld	Hnjúkur frá Minni-Reykjum	5.50
13	Frederikke Bøgeblad larsen	Kraftur fra Yggdrasil	4.50