Vígsla Sleipnishallarinnar

Þannig kvað skáldið og hestamaðurinn Einar Benediktsson. Hér er hátíð í dag. Sleipnishátíð. Umgjörðin er klár Sleipnismenn ykkar er nú að fylgja eftir að glæsilegt hestafólk nemi fræðin og geri hestinn að ævintýri lífs síns.  Hér er skólastofa albúinn við eigum Odda fræða-setrið mikla í Fjölbrautarskólanum á staðnum. Hestafræðingar nema þar fræðin í dag og skólinn notar reiðhöllina til kennslu. Hingað eiga Háskólarnir bæði á Hólum og Hvanneyri að senda sína bestu menn til kennslu. Það munu einnig einkakennarar gera með námskeiðahaldi. Selfoss er í dag eitt best búna svæði hestamanna í landinu. Hinsvegar verða ráðamenn Árborgar að leysa reiðvegamálin með Sleipnismönnum.  Gamli Sleipnir reið loft láð og lög þegar Óðinn sat hann,það gerum við ekki í dag. Reiðvegir og öryggi eru brýnustu kröfur hestamanna um land allt. Hér er verk að vinna og ég  treysti mönnum til að leysa það farsællega. Reiðveganefnd Sleipnis hefur unnið þrekvirki á síðustu árum en leiðin til og frá hesthúsabyggðinni þarf að verða greiðfærari og opnari en hún er í dag.   

 

Reiðhöll hefur lengi verið draumur Sleipnismanna hér á Selfossi. Reiðhallirnar fengu vængi og urðu að veruleika þegar öldin nýja reis. Ég minnist þess sem Landbúnaðarráðherra að ég skipaði nefnd um hvaða þýðingu þær hefðu fyrir hestamennskuna í landinu. Daginn sem ég seldi Lánasjóð Landbúnaðarins til Landsbankans varð eftir peningasjóður upp á 350 milljónir króna. Mínir menn spurðu eiga þessir peningar að fylgja með í sölunni. Eins og leiftri væri skotið niðrí sál mína eða Gunnar Bjarnason kennari minn og Hrossaræktar-ráðunautur hefði kallað úr himnaríki þá  svaraði ég á augabragði.  ,,Nei  þarna er kominn peningur í reiðhallirnar,“ það samþykkti Ríkisstjórnin strax og Alþingi síðar. Ég vil þakka stjórnmálamönnum þess tíma fyrir niðurstöðuna en þó einum og alveg sérstaklega Fjármálaráðherranum  Árna  M.  Mathiesen  fyrir hvernig hann stóð að þessu verkefni.  Án hans stuðnings og vel vilja í garð hesta-mennskunnar hefði það varla náð fram að ganga. Nú eru reiðhallirnar   komnar upp um land allt einar 25 talsins í eigu Hestamannafélaganna.  

 

Til hamingju hestamenn,reiðhöll er fyrst og fremst kennslustofa og sýningarhöll. Ég sé brosið á gömlu Sleipnismönnunum sem gengnir eru til feðra sinna. Þeir settu svip á þennan stað þeir eru stoltir af sínum mönnum og gleðjast með okkur. Blessuð sé  minning þeirra.

 

Strax uppúr síðustu aldamótum þegar hestamennskan varð sú mikla almenningseign sem hún er í dag tóku hrossabúgarðar  að rísa um allar sveitir. Nú eigum við íslendingar þúsund hrossabændur og hestinn okkar í öllum álfum veraldarinnar.  Menntunin frá Háskólunum á Hólum og Hvanneyri og frægð og reynsla okkar færasta hestafólks sem mikið vinnur með hestinn hér og út í Evrópu og víðar skilaði þekkingu og krafti heim.

 

Á tíunda áratug síðustu aldar tóku forystumenn Sleipnis með þá Pál Stefánsson og síðar Sverrir Ágústsson sem formenn mjög að horfa á framtíðar skipulag  þessa svæðis hér umræðan var hafin. Þessari stefnumörkun lauk svo í formannstíð Jóns S Gunnarssonar bónda í Miðholti og framkvæmdir hófust  á mótssvæðinu . Brávellir sem keppnisvöllur  var vígður  árið 2003. Þetta verk var unnið með þáverandi bæjarstjórn Árborgar og að því komu sérstaklega frá Sleipni Magnús Ólason og Birgir Leó Ólafsson ásamt reynslu knöp-unum Einari Öder Magnússyni  og Olil Amble auk margra annarra. Mönin góða hér norðan við Brávelli er mold úr grunni fyrir Íþróttahúsi Fjölbrautarskólans,úr grunni BYKÓ og allt efni úr grunni blokkarinnar fyrir aldraða við Grænumörk. Alls 80 þúsund rúmmetrar af efni.  

 

Á stærstu sýningum hér á Brávöllum eru 200 til 400 bílar uppá möninni. Ja Guð almáttugur setti ekki fjöll eða mikið af  holtum  í Flóann því verðum við að gera þetta sjálf. Eitt síðasta formannsverk Jóns Gunnarssonar var að sækja um styrk í Reiðhallarsjóð Landbún-aðarráðuneytisins,teningnum var kastað hann fékkst, 25 milljónir þar. 

 

Guðmundur Lárusson tók við formennsku Sleipnis undir hans stjórn tóku menn að vinna úr reiðhallarhugmyndunum og hér var í bígerð gríðarleg áætlun um stóran Miðgarð eða Íslandshof eins og aðal-fundur Sleipnis samþykkti að ráðast í.  Efnahagshrunið breytti þessari áætlun í þá reiðhöll sem við vígjum hér í dag. Fyrsti byggingastjórinn var athafnamaðurinn Jón Árni Vignisson með honum í fyrstu  bygg-ingarnefndinni   voru  auk Guðmundar Lárussonar  Birgir Leó Ólafsson og Guðni Ágústsson.  

 

Fyrsta skóflustungan var tekin í október 2009 af heiðursfélaganum Guðjóni Sveinbjörnssyni í Uppsölum og æskan var með  því Kolbrún Björk Ágústsdóttir í Starmýri í Tjarnarbyggð átta ára gömul var einnig að verki. Aldursmunurinn milli Guðjóns og Kolbrúnar  Bjarkar eru  áttatíu ár. Barnið og öldungurinn ríður líka íslenska hestinum sem er einstakt og segir mikið um lund íslenska hestsins.  Hér væri óðs-mannsæði að ætla að nefna nöfn hins þögla hóps velgjörðarmanna styrktaraðila og velunnarra Reiðhallarinnar,þetta fólk skiftir hund-ruðum. Út voru gefin hlutdeildarskýrteini sem félagsmenn og vel-unnarar keyptu margir fyrir eitt,tvö og þrjú hundruð þúsund krónur aðrir fyrir minna allt eftir efnum og ástæðum Uppsalasystkinin störtuðu með gjafafé Guðjón gaf eina milljón og Jóna systir hans sagðist verða að gefa sem næmi  góðu beisli og gaf eitt hundrað þúsund krónur. 

 

Búnaðarfélögin í Flóa keyptu skýrteini. Bæði Árborg og Flóahreppur lögðu sitt fram í verkefnið. Hér hafa staðið sjálfboðaliðar flestar helgar oft daga og nætur og unnu af krafti,karlar og konur. Verktakar lánuðu vélar sínar. Efni var gefið af mörgum fyrirtækjum og ein-staklingum. Sviðamessur og karlakvöld hafa verið haldin ár hvert reiðhöllinni til styrktar,það síðasta í Þingborg í gærkvöldi.

   

Ólafur Sigfússon frá Ketilsstöðum gróf fyrir sökklinum og gaf vinnu sína. Vörðufell byggingafyrirtæki staðarins undir stjórn Valdimars Bjarnasonar bauð í og vann alla sökkulvinnu. Höllin sjálf límtréð kom frá BM-Vallá og Flúðamenn smíðuðu grindina og komu henni á staðinn.  Síðsumar 2010 var risin höll,sú fyrsta í Flóanum. Og um áramótin 2011 og 2012 var gólfaðstaðan tilbúin.Milli jóla og nýárs það ár stigu glæstir knapar og gæðingar inn í höllina,síðan hafa námskeið og sýningar verið tíðar. Hér er risin ein flottasta reiðhöll landsins vel byggð og einangrunin steinull því er hægt að halda hér Eurovisionkeppnina ef Gréta Salome og Jónsi vinna hana í kvöld.

 

Á löngum tíma eiga breytingar sér stað Guðmundur Lárusson lét af formennsku Þórdís Ólöf Viðarsdóttir tók við af honum 2010 og var hún mest allan byggingartímann formaðurinn í brúnni. En það er Kjartan Ólafsson sem fer fyrir Sleipnismönnum síðasta   spölinn og er formaður á Vígsludegi kemur þessu stóra verkefni í höfn með öflugu fólki  félagsins eftir mikla vinnu. Situr  eins  og Óðinn á hinum áttfætta Sleipni. Svitinn og tárin breytast í sigurljóð fjöldans.   Samvinnan og sjálfboðastarfið  hefur skilað ykkur nokkuð á leið.  

 

  Breytingar urðu einnig á stjórn Reiðhallarinnar 2010 því Jón Árni,Guð-mundur Lárusson og Birgir Leó  hurfu úr forystusveitinni. Þá tóku við í byggingarnefndinni Karl Þór Hreggviðsson, Magnús Óla-son,Gunnar Sveinsson og Sigurður Sigurjónsson auk Guðna Ágústs-sonar. Byggingastjórinn sem þá tók við af Jóni Árna Vignissyni var fyrrv. formaður félagsins Jón Sigursteinn Gunnarsson í Miðholti. Til hamingju Sleipnismenn höllin er risin hún er skuldlítil hún býður upp á líf og grósku í ykkar starfi. Það er vor í Sleipni það er vor í Flóanum. Knapinn á hestbaki er kóngur um stund. Nú eigum við höll og því  skulum  við  hrópa ferfalt húrra af krafti svo undir taki og þakka gott dagsverk.  Sleipnishöllin hún lifi húrra-húrra-húrra-húrra.

 

                                            Guðni Ágústsson