Von frá Þóroddsstöðum – video

Von frá Þóroddsstöðum hlaut hæstu einkunn í flokki hryssa 7 vetra og eldri á Héraðssýningunni í Víðidal.

Vera er undan Þóroddi frá Þóroddstöðum og Dömu frá Þóroddsstöðum sem er m.a. sammæðra Limru frá Laugavatni, Galdri frá Laugavatni og Núma frá Þóroddsstöðum.

Hún fékk einkunnina 7,96 fyrir sköpulag og 8,58 fyrir hæfileika. Einkunnina 9,5 hlaut hún fyrir vilja og geðslag og einkunnina 9 fékk hún fyrir fótagerð og skeið. Sýnandi Vonar var Bjarni Bjarnason.

Eyvör frá Langhúsum fékk næst hæstu aðaleinkunn í flokkinum, 8,16 og Spurning frá Sörlatungu hlaut þriðju verðlaun en hún fékk í aðaleinkunn 8,13. Sóllilja frá Hárlaugsstöðum 2 fékk að vísu sömu aðaleinkunn, en hefð er fyrir því að láta hærri hæfileikaeinkunn ráða sætaröðun.

Meðfylgjandi er myndskeið af Von frá yfirlitssýningunni í gær.