WR mót Sleipnis og Skeiðleikar

Hið árlega og stórglæsilega íþróttamót Sleipnis fer fram dagana 26.-30.maí á Brávöllum á Selfossi. Mótið hefst á miðvikudagskvöldi á Skeiðleikum Baldvins og Þorvaldar.

Um opið mót er að ræða en þó með þeim takmörkunum að hámarksfjöldi keppenda er í hverja grein og má glöggva sig betur á hvaða greinar eru í boði og hversu mikill fjöldi er í þær hér fyrir neðan. Áætlað er að um world ranking mót sé að ræða og er unnið að því nú að fá öll tilskilin leyfi fyrir því.

Skráning er nú opin á Sportfeng en henni lýkur mánudagskvöldið 24.maí. Skráningargjöld í hverja grein eru hér fyrir neðan. Þeir sem millifæra eiga að senda póst á [email protected] þar sem staðfest er að greiðsla hafi átt sér stað, öðruvísi telst skráning ekki gild. Nefndin áskilur sér rétt til þess að fella niður flokka náist ekki nægileg þátttaka í þá.

Sjáumst á Selfossi!