Forkeppni í Fjórgangi unglinga og ungmenna lokið

Í unglingaflokki reið Embla Lind Ragnarsdóttir góða sýningu og endaði í 3. Sæti eftir forkeppni. Embla Lind er því í fínum málum eftir forkeppni í unglingaflokki og ríður tvenn A-úrslit á sunnudaginn, í T1 og V1.

Í ungmennaflokki gerðu Hákon Dan Ólafsson á Viktori frá Reykjavík og Matthías Sigurðsson á Roða góða hluti og eru jafnir í 2-3 sæti með 6,63 í einkunn.

Guðmar Hólm Ísólfsson á Kjarki frá Lækjarmóti II eru svo í B-úrslitum með 6,47 í einkunn, enduðu í 7. Sæti forkeppninnar.

Fjórgangur fullorðinna hefst klukkan 12:40 að staðartíma, og þar er það Jakob Svavar Sigurðsson á Hálfmána frá Steinsholti sem keppir fyrir Íslands hönd og hann er númer 20 í rásröð fjórgangsins.

Dagskráin í dag endar svo með keppni í gæðiðngaskeiði í öllum flokkum.

Í ungmennaflokki eigum við þrjá fulltrúa í keppni, og það eru þær Glódís Rún, Hulda María og Hekla Rán.

Í fullorðinsflokki er það Sigurðu Vignir Matthíasson sem fer fyrir okkar hönd.

Við fylgjumst með og greinum frá gangi mála í dag.