Hilma og Laukur frá Varmalæk Norðurlandameistarar unglinga

Í dag er síðasti keppnisdagur á Norðurlandamótinu í Herning. Fyrstu úrslit dagsins voru A-úrslit í unglingaflokki á gæðingavellinum.

Þar áttu íslendingar þrjá fulltrúa þau Elvu Rún Jónsdóttur, Dag Sigurðarson og Ragnar Snæ Viðarsson.

Dagur Sigurðarson á Rögni frá Minni-Völlum endaði í þriðja sæti með einkunnina 8,625. Elva Rún Jónsdóttir lenti í vandræðum á brokki á Bellu frá Blönduósi og uppskár 8.sætið og í því sjöunda varð Ragnar Snær Viðarsson á Skorra frá Blönduósi.

Norðurlandameistari er hin sænska Hekla Pettersson á Lauki frá Varmalæk en þau hún vann með þó nokkrum yfirburðum með einkunnina 8,76. Í öðru sæti varð sigurvegari B-úrslita frá því í gær, Andrea Isager Lindberg á Þrym frá Álfhólum með 8,66 í einkunn en þau keppa fyrir hönd Danmerkur.

A-úrslit í unglingaflokki