Ráslistar fyrir skeiðmót Meistaradeildarinnar

Keppnin fer fram á Brávöllum á Selfossi og hefjast leikar kl. 13:00.

Sigurvegararnir í gæðingaskeiði frá því í fyrra Árni Björn Pálsson mætir með nýja hryssu hana Elmu frá Staðarhofi en Elma hlaut 10 fyrir skeið í kynbótadómi á síðasta ári.

Hans Þór Hilmarsson vann 150 m. skeiðið í fyrra á Vorsól frá Stóra-Vatnsskarði en hann hefur lánað liðsfélaga sínum Jakobi Svavari Sigurðssyni Vorsól og mætir sjálfur á Bínu frá Vatnsholti sem endaði í þriðja sæti í greininni í fyrra með fyrrum liðsfélaga þeirra Þórarni Ragnarssyni.

Uppboðsknapar eru skráðir í báðar greinar. Jóhann Kristinn Ragnarsson ætlar að taka þátt í gæðingaskeiðinu á Þórvöru frá Lækjarbotnum en þau unnu þessa grein árið 2019 í deildinni og þá kepptu þau sem villikettir. Í 150 m. skeiðinu er Daníel Gunnarsson skráður á Sigri frá Bessastöðum.

Gæðingaskeið

150 m. skeið