Katla og Sigurpáll með hæstu einkunn í gæðingakeppni barnaflokki

Dagskrá Íslandsmóts barna og unglinga fer nú fram á félagssvæði Sleipnis á Brávöllum á Selfossi. Í gær fór fram forkeppni í hinum ýmsu keppnisgreinum og áfram skal haldið í dag, klukkan 09:30 byrjar fyrsta keppnisgrein dagsins sem er gæðingaskeið. Hægt er að horfa á mótið í beinni útsendingu á EiðfaxaTV. Dagskrá og niðurstöður eru þá aðgengilegar í snjallforriti HorseDay.

Á íslandsmóti barna og unglinga er bæði keppt í gæðinga- og íþróttakeppni. Síðasta keppnisgrein gærdagsins var forkeppni í barnaflokki í gæðingakeppni þar sem 43 knapar voru skráðir til leiks. Efst að lokinni forkeppni er Katla Dís Hannesdóttir á Sigurpáli frá Varmalandi með 8,69 í einkunn. Annar er Þorgeir Nói Jóhannsson á Nínu frá Áslandi með 8,65 og í þriðja sæti er Svala Björk Hlynsdóttir á Bríeti frá Auðsholtshjáleigu með 8,60. Jafn henni er Jón Guðmundsson á Pabbastelpu frá Ásmundarstöðum 3 með 8,60. Í þessari keppnisgrein fara sjö efstu knaparnir beint í A-úrslit og knapar í sæti 8.-16. í b-úrslit

Niðurstöður í gæðingakeppni barnaflokki