Kynningarfundur Meistaradeildar ungmenna í Sörla á mánudag

Kynningarfundur fyrir næsta keppnistímabil Meistaradeildar ungmenna fer fram mánudaginn 14. september kl. 18:00 í veislusal Hestamannafélagsins Sörla í Hafnarfirði.

Á fundinum verður starfsemi og fyrirkomulag deildarinnar kynnt fyrir komandi tímabil. Lagt er upp með sambærilegt fyrirkomulag og á síðasta tímabili:

• Tvö mót í Spretti
• Tvö mót í Sörla
• Eitt mót í Hörði
• Skeiðgreinar utandyra

Óskað eftir nýju fólki í stjórn

Auk kynningar á keppnisfyrirkomulaginu er kallað eftir nýjum liðsauka í stjórn deildarinnar svo tryggja megi áframhaldandi öflugt starf hennar.

Stjórnendur hvetja alla knapa sem velta fyrir sér þátttöku á næsta tímabili, ásamt aðstandendum, liðsstjórum og öðrum áhugamönnum um hestaíþróttir ungs fólks, til að mæta, kynna sér málin og leggja deildinni lið.