Hólabak ræktunarbú ársins í A-Hún.

Uppskeruhátíð búgreinasambanda A-Hún og hestamannafélagsins Neista var sl. laugardagskvöld.

Að venju veittu Samtök Hrossabænda í A.-Hún ræktendum í félaginu viðurkenningar fyrir hæst dæmdu kynbótahrossin.  Viðurkenningar voru veittar fyrir eftirfarandi hross:

Hryssur

 

Sölufélagsbikarinn fær  hæst dæmda hryssa á héraðsýningu í Húnaþingi í eigu heimamanns og fór hann til ræktanda og eiganda Heiðdísar frá Hólabaki, Björns Magnússonar. 

Búnaðarbankabikarinn fær hæst dæmdi stóðhestur á héraðssýningu í Húnaþingi í eigu heimamanns og fóru verðlaunin til eiganda Freyðis frá Leysingjastöðum, Hreins Magnússonar.

Fengsbikarinn sem gefinn var til minningar um Guðmund Sigfússon frá Eiríksstöðum og veittur er hæst dæmda kynbótahrossi í eigu heimamanns og hlaut Sveinn Ingi Grímsson eigandi Kompás frá Skagaströnd verðlaunagripinn.

Þá var bikar til minningar um Magnús Blöndal frá Skagaströnd veittur hæst dæmda 4 vetra stóðhesti úr Austur-Húnavatnssýslu og var hann veittur ræktendum og eigendum Vita frá Kagaðarhóli, Víkingi Gunnarssyni og Guðrúnu Stefánsdóttur.

Ræktunarbú  2011 ársins var valið Hólabak í Húnavatnshreppi og veittu ábúendur þar  Björn Magnússon og Aðalheiður Ingvarsdóttir verðlaunum viðtökur.

„Á árinu 2011 voru 2 hross áberandi frá Hólabaki. Það er fyrrnefnd Heiðdís sem er einungis 5 vetra en á héraðssýningu í maí fékk hún fjórar níur, fyrir tölt, stökk, vilja og geðslag og fegurð í reið.

Glæsihesturinn Sigur frá Hólabaki gerði það afar gott á keppnisvellinum í ár og mætti víða. Þeir Hinrik Bragason urðu t.d. Íslandsmeistarar í fjórgangi og á urðu í 4. sæti í tölti og 5. sæti í fjórgangi á Heimsmeistaramótinu í Austurríki sl. sumar. Glæsilegt,“ segir á vefsíðu Neista.

Þá var Ólafur Magnússon, var kjörinn knapi árins 2011 hjá hestamannafélaginu Neista. Hann hefur gert það gott á fjölmörgum mótum sl. ár: