Fimmgangskeppni Uppsveitadeildar

25. mars 2015
Fréttir

Knapar og hestar sýndu listir sínar.

Fimmgangskeppni Uppsveitadeildar Loga, Smára og Trausta fór fram í Reiðhöllinni á Flúðum síðastliðinn föstudag.

„Fjölmargir áhorfendur fylgdust með skemmtilegri keppni sem fyrr. Margt góðra hesta og knapa sýndu listir sínar og sumir sýndu góð tilþrif.

Eftir forkeppni lá fyrir að í A – úrslit fóru Jón Óskar Jóhannesson og Örvar frá Gljúfri, Árný Oddbjörg Oddsdóttir og Elding frá Hvoli, Bjarni Bjarnason og Hnokki frá Þóroddsstöðum og Hermann Þór Karlsson og Gítar frá Húsatóftum.

Í B – úrslit fóru Hulda Finnsdóttir og Mökkur frá Hólmahjáleigu, Jón W. Bjarkason og Stjörnunótt frá Litlu Gröf, Guðjón S. Sigurðsson og Flauta frá Kolshóli 3, Arnar B. Sigurðsson og Rebekka frá Kjartansstöðum, Finnur Jóhannesson og Gletta frá Glæsibæ.

Arnar Bjarki og Rebekka áttu í harðri baráttu við Huldu og Mökk um sæti í A – úrslitum. Í lokin skyldu aðeins 0,03 stig á milli þeirra þar sem Arnar Bjarki og Rebekka höfðu betur.

Það kom fljótt í ljós í A -úrslitum að Bjarni Bjarnason og Hnokki frá Þóroddsstöðum voru í nokkrum sérflokki. Arnar Bjarki og Rebekka gerðu þó harða hríð að þeim með öflugum skeiðsprettum. Að lokum stóðu þeir efstir Bjarni og Hnokki með einkunnina 7,29. Arnar Bjarki og Rebekka hlutu annað sætið með 6,88 í einkunn. Í þriðja sæti enduðu Jón Óskar og Örvar með 6,71, Árný og Elding hlutu fjórða sætið með einkunnina 6,43 og Hermann Þór og Gítar í því fimmta með 6,38.

Staðan í stigakeppninni er þessi:

Stigakeppni einstaklinga

Arnar Bjarki Sigurðarson 47

Bjarni Bjarnason 47

Hulda Finnsdóttir 41

Árný Oddbjörg Oddsdóttir 37

Hermann Þór Karlsson 35

Finnur Jóhannesson 33,5

Jón Óskar Jóhannesson 33

Sigurbjörg Bára Björnsd. 32,5

Guðjón Sigurliði Sigurðsson 25,5

Þorsteinn G. Þorsteinss. 25,5