Loki frá Selfossi er sannkallaður gæðingur

Loki frá Selfossi hefur unnið hug og hjörtu hestamanna með frábærri frammistöðu á undanförnum misserum. Hann hefur verið sigursæll í fjórgangi og B flokki og berst nú á toppnum á LM2012. Loki er undan Smára frá Skagaströnd og Surtlu frá Brúnastöðum, Váksdóttur frá Brattholti. Ræktandi hans er Ármann Sverrisson en knapi á Landsmótinu er Sigurður Sigurðarson.