Finnur Ingólfsson í Hestablaðinu

Á meðal efnis í Hestablaðinu sem kemur út á morgun er viðtal við Finn Ingólfsson í Vesturkoti á Skeiðum, ræktanda og eiganda Spuna frá Vesturkoti, sem nú er skærasta stjarnan á himni íslenskra stóðhesta. Finnur segir frá tilurð og uppvexti Spuna, sem alla tíð hefur verið sérlega mannelskur og meðfærilegur. Spuni er fyrsta folald fjölskyldunnar í Vesturkoti og Finnur tekur skýrt fram að hann skipi sérstakan sess og verði aldrei seldur.