Gáski frá Vindási seldur til Noregs

Stóðhesturinn Gáski frá Vindási hefur verið seldur til Noregs og er farinn úr landi.

Gáski er 8 vetra rauðstjörnóttur undan Gára frá Auðsholtshjáleigu og Stjörnu frá Vindási úr ræktun Kára og Ingibjargar sem kennd er við Vindás í Hvolhreppi.

Gáski er með í kynbótadómi 8.41 þar af 8.58 fyrir hæfileika sem er hæsti hæfileikadómur af afkvæmum Gára.

Þess má geta að tveir aðrir Stjörnusynir eru í Noregi, keppnishestarnir Eitill frá Vindási og Hárekur frá Vindási.