Kveður með stæl-

Christina Lund hefur komið sér fyrir í Austurási hjá hjónunum Hauki Baldvinssyni og Ragnhildi Loftsdóttur, ásamt dóttur sinni og norskri tamningakonu og mun þar þjálfa hross og undirbúa sýningu Álfs síns frá Selfossi á komandi landsmóti áður en hann heldur til nýrra heimahaga í Noregi.

Það eru einmitt 11 ár síðan Christina sýndi móður Álfs, Álfadísi, á landsmóti í Reykjavík árið 2000 þá fjögurra vetra gamla. Álfadís hlaut þá eftirminnielga 8,31 í aðaleinkunn, þar af 8,66 fyrir hæfileika og varð hún í öðru sæti í sínum flokki. Eflaust verður það nokkuð áhrifamikill viðburður sjá hinn glæsilega son hennar kveðja landann á sömu braut.

Álfur varð á Landsmóti sl. sumar annar í flokki stóðhesta með fyrstu verðlaun fyrir afkvæmi. Skv. Worldfeng eru skráð afkvæmi Álfs 366 talsins, 29 þeirra hafa komið fyrir dóm og er aðaleinkunn kynbótamatsins 127.

austuras.is