Reiðsýning brautskráningarnema á Hólum

Hin árlega reiðsýning brautskráningarnema í reiðmennsku og reiðkennslu verður haldin núna á laugardaginn. Sýningin er felld inn í dagskrá Hólamótsins í hestaíþróttum, sem er World Ranking mót á vegum hestaíþróttaráðs UMSS. Mótið er haldið á reiðvelli skólans, fyrir framan Þráarhöllina.

Reiðsýningin hefst kl. 13:00 og eru allir hjartanlega velkomnir. Eftir frammistöðu hópsins á reiðkennslusýningunni á Svaðastöðum í apríllok er óhætt að reikna með að hún verði með glæsibragði og veðurútlitið lofar ekki síður góðu.

Þetta kemur fram í frétt frá Hólum.