Íslandsmótið hafið – forkeppni í fimmgangi stendur yfir

Íslandsmótið í hestaíþróttum hófst í morgun á forkeppi í fimmgangi og stendur enn yfir. Fjörutíu og þrír firnasterkir hestar voru skráðir til leiks, hross sem létu til sín taka á Landsmóti, bæði í gæðingakeppni og í kynbótadómum.

Efstur eins og staðan er nú er Reynir Aðalsteinsson á Sikil frá Sigmundarstöðum en þeir hlutu einkunnina 7,30. Eyjólfur Þorsteinsson og Kraftur frá Efri Þverá hlutu 7,03 og eru í öðru, að er fram kemur á heimasíðu hestamannafélagsins Sleipnis.