Hestaþing Mána og Brimfaxa

24. maí 2012
Fréttir

Sameiginlegt Hestaþing og úrtaka Mána og Brimfaxa fer fram helgina 2. – 3. júní nk. á Mánagrund að er fram kemur í tilkynningu frá mótanefndum félagana.

„Á laugardeginum 2. júní verða kappreiðar kl .17 og verður skráning á staðnum, engin keppnisgjöld. Strax á eftir kappreiðum verður grillveisla í Mánahöllinni þar sem við ætlum að hafa gaman saman. Verð í grill er 1500kr og 500kr fyrir börn undir 13 ára.

Á sunnudeginum 3.júní verður hestaþingið/úrtakan og keppt verður í eftirtöldum flokkum:

Pollar teyminga
Pollar
Tamningaflokki (5 vetra og yngri)
Barnaflokki
Unglingaflokki
Ungmennaflokki
A-flokki
B-flokki
A-flokki áhugamanna ( tölt, brokk, skeið – riðið eftir þul, 3 inná í einu )
B-flokki áhugamanna (tölt, brokk, yfirferð – riðið eftir þul, 3 inná í einu)

Skráningagjöld eru 4500kr á grein ( boðið verður uppá 2 umferðir fyrir þá sem eru að keppa til að komast á LM en þá verða þeir að skrá sig í fótaskoðun um leið og þeirra flokkur er búinn og greiða skráningagjöld fyrir það sérstaklega 4500kr). Fyrri umferð gildir inn í úrslitin.

Pollar greiða 1500

Tamningaflokkur, A-áhugamanna og B-áhugamanna greiða 3000kr.

Lágmarks þáttaka í áhugamannaflokkana er 5 knapar.

ATH!! Hestar í úrtöku verða að vera í eigu skuldlausra félagsmanna þeirra félags sem þeir ætla að keppa fyrir.

Skráning fer fram hér. Þar er einnig hægt að skrá sig í grillveisluna.

Ef keppendur eiga í vandræðum með að skrá sig á síðunni er hægt að senda póst á [email protected] . Þar þurfa þá að koma fram upplýsingar um knapa, símanúmer, IS númer hests og grein/ar ásamt kreditkortanúmeri. Hægt að hringja í Þóru s.893-0304 ef þarf einhverja aðstoð við skráningu.

Skráningu lýkur á miðnætti mánudaginn 28.maí.“