Ræktunarmenn og kynbótahross Sörla

Á aðalfundi hestamannafélagsins Sörla í gærkvöldi var ræktandi hæst dæmda hross ársins heiðraður….

Það var Sörlafélaginn Jón Benjamínsson, sem ræktaði stóðhestinn Blysfara frá Fremra-Hálsi, sem hlotnaðist heiðurinn í ár. Blysfari er 5 vetra Arðssonur sem hlaut 8,31 í aðaleinkunn í dómi í sumar.

Einnig var hæst dæmda kynbótahross ársins hjá Sörla heiðrað. Það var stóðhesturinn Már frá Feti sem fékk 8,34 í kynbótasýningu í sumar. Eigandi Más þegar hann var sýndur var hrossaræktarbúið Fet. Már er undan Orra frá Þúfu og Ösp frá Háholti. Eigandi Fets, Karl Wernersson, veitti verðlaununum viðtöku.

Kynbótanefnd Sörla