Óskasteinn hækkar sig enn

Héraðssýningunni á Vinheimamelum er lokið. 136 hross voru sýnd og þar af 124 í fullnaðar dóm. 15 hross náðu inná Landsmót, 6 stóðhestar og 9 merar. Efsta hrossið á sýningunni var Ferna frá Hólum. Þórarinn Eymundsson sýndi Fernu en Ferna er í eigu Hólaskóla. Ferna er undan Hróðri frá Refsstöðum og Þilju frá Hólum. Ferna hlaut 8,91 fyrir kosti og 8,16 fyrir sköpulag en það gerir 8,61 í aðaleinkunn.

Efstur fyrir hæfileika var hann Óskasteinn frá Íbishóli. Magnús Bragi Magnússon sýndi hann en hann er jafnframt eigandi og ræktandi. Óskasteinn er undan Hugin frá Haga I og Ósk frá Íbishóli, fyrstu verðlauna meri með 9,0 fyrir skeið. Óskasteinn hlaut 9,10 fyrir hæfileika og er það fjórða hæsta einkunn sem stóðhestur hefur fengið fyrir hæfileika. Hann hlaut 9,5 fyrir tölt, hægt tölt, skeið og vilja og geðslag. Það er ekki oft sem hestur hækkar á yfirliti bæði um hálfan fyrir skeið og hálfan fyrir hægt tölt og tölt. Þetta er glæsilegur dómur á glæsilegum hesti. Óskasteinn er með 7,74 fyrir sköpulag og 8,56 í aðaleinkunn.

Eldur frá Torfunesi hlaut hæstu sköpulags einkunnina eða 8,61 jafnframt var Eldur með næst hæstu aðaleinkunnina á sýningunni en í aðaleinkunn hlaut hann 8,60 og 8,59 fyrir hæfileika. Eldur er undan Mætti frá Torfunesi og Eldingu frá Torfunesi. Mette Mannseth sýndi Eld en hún hefur verið með Eld í tamningu og þjálfun

Þrjú hross hlutu á sýningunni 8,90 fyrir hæfileika eða hærra. En eins og áður sagði voru það þau Óskasteinn frá Íbishóli og Ferna frá Hólum en einnig fékk Trymbill frá Stóra-Ási 8,92 fyrir hæfileika. Greinilegt er að það er mikið um hæfileikarík hross fyrir norðan.

Meðfylgjandi eru dómar Óskasteins, Fernu og Elds: