Aldrei fleiri kynbótahross

Aldrei hafa fleiri kynbótahross máð inn á Landsmót en þau eru nú um 290 talsins. Deildar meiningar hafa verið um fyrirkomulagið en margir telja betra að ákveða frekar hámarksfjölda í hvern flokk.
Vegna þessa hefur RML sent frá sér eftirfarandi tilkynningu:
Svo sníða megi endanlega dagskrá og tímasetningar á kynbótavelli LM2014 er brýnt að fá upplýsingar um þá gripi sem ekki munu nýta rétt sinn til að koma fram á mótinu.

Eigendur þessara gripa eða knapar eru vinsamlega beðnir að koma upplýsingum til Péturs Halldórssonar með tölvupósti á [email protected], eða í síma 862-9322 sem allra fyrst.