Afkvæmi Draupnis og Spuna með hæsta meðaltal aðaleinkunnar í ár

Í ár voru felldir 891 fullnaðardómar en alls komu 232 stóðhestar og 528 hryssur til fullnaðardóms á árinu. Alls standa 241 stóðhestur að baki sýndum hrossum á Íslandi.

Skýr frá Skálakoti átti flest sýnd afkvæmi á árinu en fimmtán stóðhestar voru með 10 eða fleiri sýnd afkvæmi á árinu og er listi með þeim hér fyrir neðan.

Af afkvæmum þessara fimmtán stóðhesta eru afkvæmi Spuna frá Vesturkoti og Draupnis frá Stuðlum með hæsta meðaltal aðaleinkunnar eða 8,19. Næst í röðinni eru afkvæmi Skýs frá Skálakoti og Hrings frá Gunnarsstöðum með 8,16 í meðaltal. Afkvæmi Hrings eru með hæsta meðaltalið fyrir aðaleinkunn án skeiðs eða 8,43. Síðan koma afkvæmi Draupnis með 8,35 og á eftir þeim eru afkvæmi Vita frá Kagaðarhóli með 8,32 í meðaltal fyrir aðaleinkunn án skeiðs.

Hér fyrir neðan má sjá lista yfir þá fimmtán feður sem áttu flest sýnd afkvæmi á Íslandi árið 2023.