Æfingamót Léttis

Haldið verður æfingamót fyrir börn og unglinga í Létti sunnudaginn 9 maí. Keppt verður í Tölt T1 – T8 – Fjórgangur.

Leyfilegt er að mæta að hámarki með 2 hross. Og má skrá sig í eina töltgrein og fjórgang (leyfilegt er að mæta með báða hestana í báðar greinarnar).

Ekki verða riðin úrslit né raðað í sæti þar sem þetta er einungis æfingamót og fær knapinn skriflega umsögn að móti loknu.

Skráning er á staðnum og tekið er á móti skráningum frá kl. 13:00 til 13:30

Snyrtilegur klæðnaður æskilegur en ekki er nauðsyn að vera í keppnisgallanum frekar en þið viljið. Mótið verður haldið úti ef veður leyfir.

Æskulýðsnefnd Léttis

 
Tölt – T1

Hestar sem taka þátt í þessari töltgrein mega ekki taka þátt í annarri töltgrein á sama móti.

Einn keppir í einu.

Verkefni

1.       Keppni hefst á miðri skammhlið, riðinn er einn hringur á hægu tölti upp á hvora hönd sem er. Hægt niður á fet á miðri skammhlið og skipt um hönd

2.       Riðið er af stað á miðri skammhlið á hægu tölti og riðinn einn hringur með greinilegum hraðamun á langhliðum.

3.       Frá miðri skammhlið er riðinn einn hringur á yfirferðartölti.

Tölt – T8

Hestar sem taka þátt í þessari töltgrein mega ekki taka þátt í annarri töltgrein á sama móti.

2 eða fleiri eru inná vellinum í einu, atriði eru sýnd samkvæmt fyrirmælum þular.

Verkefni

1.       Frjáls ferð á tölti – hægt niður á fet og skipt um hönd

2.       Frjáls ferð á tölti

Fjórgangur – V1

Hestar sem taka þátt í þessari grein mega ekki taka þátt í öðrum fjór – eða fimmgangsgreinum á sama móti.

Einn keppir í einu. Sýna má greinina á hvora hönd sem er.

Knapinn hefur fjóra og hálfan hring til umráða til að sýna eftirfarandi gangtegundir í þeirri röð sem þeir sjálfir kjósa.

1.       Hægt tölt

2.       Hægt – til milliferðar brokk

3.       Meðalfet

4.       Hægt – til milliferðar stökk

5.       Yfirferðartölt

Einungis má sýna hverja gangtegund einu sinni. Fet skal sýna hálfan hring og aðrar gangtegundir heilan hring.