Ævintýralegur A-flokkur á Hellu

Að mati greinarhöfundar er keppni í A-flokki gæðinga krúnudjásn keppnisgreina á íslenskum hrossum. Það var því hátíðlegt og magnað að fylgjast með forkeppni í þeirri keppnisgrein sem fram fór á Rangárbökkum í gærkvöldi. Hver stórgæðingurinn á fætur öðrum kom þar fram og ekki ólíklegt að margir af þeim eigi eftir að berjast um úrslitasæti á komandi Landsmóti og jafnvel sigur.

Um er að ræða sameiginlega úrtöku Hestamannafélaganna Geysis, Jökuls, Kóps og Sindar og er hún sýnd í beinni útsendingu á EiðfaxaTV.

Leynir efstur

Efstur í A-flokki stendur Leynir frá Garðshorni á Þelamörk sýndur af Þorgeiri Ólafssyni, hlaut hann 8,98 í einkunn. Önnur er Aþena frá Þjóðólfshaga 1 sýnd af Teiti Árnasyni með 8,92 og í þriðja sæti Gandi frá Rauðalæk sýndur af Guðmundi Björgvinssyni með 8,78. Skammt á eftir Ganda með 8,77 er svo Sindri frá Hjarðartúni sýndur af Hans Þór Hilmarssyni.

Þá var einnig forkeppni í A-flokki ungmenna en þar er efstur Jón Ársæll Bergmann á Kjarvali frá Skíðbakka III með 8,57 í einkunn.

Niðurstöður í A-flokki

Dagskrá dagsins í dag