Afkvæmi Loka með hæstu meðaleinkunn fyrir fegurð í reið

Alls eru 29 stóðhestar sem eiga 10 eða fleiri dæmd afkvæmi á árinu.

Loki frá Selfossi er sá stóðhestur sem skilaði þeim afkvæmum sem hæsta einkunn hlutu fyrir fegurð í reið. Meðaleinkunn þeirra fyrir fegurð í reið er 8,53. Hann á alls 18 afkvæmi sýnd á árinu og meðalaldur þeirra er 6,8 ár.

Næstur honum er Hringur frá Gunnarsstöðum með 12 dæmd afkvæmi á árinu sem eru 4,8 vetra að meðaltali með meðaleinkunnina 8,42 fyrir fegurð í reið. Skýr frá Skálakoti er þriðji með 37 dæmd afkvæmi ár árinu sem eru 5,3 vetra að meðaltali en meðaleinkunn þeirra er 8,32 fyrir fegurð í reið.

Hér er listi yfir alla þá stóðhesta sem eiga 10 eða fleiri fullnaðardæmd afkvæmi á árinu raðað eftir meðaleinkunn fyrir fegurð í reið.