Afkvæmi Spuna með hæstu meðaleinkunn fyrir hæfileika í ár

Í ár voru felldir 891 fullnaðardómar en alls komu 232 stóðhestar og 528 hryssur til fullnaðardóms á árinu. Alls standa 241 stóðhestur að baki sýndum hrossum á Íslandi. Fimmtán stóðhestar voru með 10 eða fleiri sýnd afkvæmi á árinu og er listi með þeim hér fyrir neðan.

Af afkvæmum þessara fimmtán stóðhesta eru afkvæmi Spuna frá Vesturkoti með hæstu meðaleinkunn fyrir hæfileika eða 8,18. Næst í röðinni er afkvæmi Draupnis frá Stuðlum með 8.12 og síðan afkvæmi Hrings frá Gunnarsstöðum með 8.10 í meðaleinkunn fyrir hæfileika.

Með hæsta meðaltalið fyrir hæfileika án skeiðs, 8,51, eru afkvæmi Hrings frá Gunnarsstöðum. Næst í röðinni eru afkvæmi Draupnis frá Stuðlum með 8,37 í meðaltal fyrir hæfileika án skeiðs og á eftir þeim eru afkvæmi Vita frá Kagaðarhóli með 8,36 í meðaltal fyrir hæfileika án skeiðs.

Hér fyrir neðan má sjá lista yfir þá fimmtán feður sem áttu flest sýnd afkvæmi á Íslandi árið 2023