Arna sigrar með 9.10 í einkunn

Metamót Spretts hefur ætíð verið síðasta mót ársins undanfarin ár en þetta er með vinsælustu mótum ársins. Í a flokk voru skráð 72 hross og í b flokkinn 97 hross. Arna frá Skipaskaga var á heimavelli í b flokknum og sigraði hann örugglega með 9.10 í einkunn. Knapi á Örnu var Sigurður Sigurðarson. Önnur í b flokknum var Kvika frá Leirubakka og Jóhann K. Ragnarsson með 8.90 í einkunn og í þriðja sæti var Dáð frá Jaðri og Viðar Ingólfsson með 8.80 í einkunn. 

A flokkinn sigraði Gróði frá Naustum og Steingrímur Sigurðsson með 8.81 í einkunn. Þar rétt á eftir var Atlas frá Lýsuhóli og Jóhann Ragnarsson með 8.72 í einkunn og þriðja var Ómsdóttirinn Sif frá Akurgerði og Fanney Valsdóttir með einkunnina 8.71

Hér er hægt að sjá allar einkunnir frá mótinu og sundurliðun frá dómurum.