Berg valið Ræktunarbú Vesturlands 2011

29. nóvember 2011
Fréttir

Níu frumkvöðlar Hrossaræktarsambands Vesturlands voru heiðraðir á haustfundi þess sem haldinn var á sunnudaginn, 27. nóvember, í Hótel Borgarnesi. Þetta er í fyrsta sinn sem Hrossaræktarsambandið veitir heiðursviðurkenningar, en stjórnin samþykkti nýlega að veita skyldi þeim sem skarað hafa framúr í félags- og ræktunarmálum sambandsins gullmerki. Þótti við hæfi að heiðra þennan hóp í fyrsta sinn.

Að venju voru veitt verðlaun fyrir hæst dæmdu kynbótahross í eigu Vestlendinga. Auk þess var Ræktunarbú Vesturlands árið 2011 verðlaunað.

Fyrstu gullmerkjahafar Hrossaræktarsambands Vesturlands eru þau Árni Guðmundsson frá Beigalda, Leifur Kr. Jóhannesson, Mosfellsbæ, Einar E. Gíslason, Syðra-Skörðugili, Haukur Sveinbjarnarson, Snorrastöðum, Gísli Höskuldsson, Hofsstöðum, Sigurborg Ágústa Jónsdóttir, Báreksstöðum, Ólöf Kolbrún Guðbrandsdóttir, Nýja-Bæ, Ragnar Hallsson, Hallkelsstaðahlíð og Högni Bæringsson, Stykkilshólmi.

Eftirfarandi kynbótahross voru tilnefnd, en efsta hryssa og efsti stóðhestur í hverjum aldursflokki fengu viðurkenningu.

Hryssur

4ra vetra hryssur:

1. Formúla frá Skipaskaga

2. Elja frá Einhamri

3. Vissa frá Lambanesi

5 vetra hryssur.

1. Skriða frá Bergi

2. Marey frá Akranesi

3. Dimma frá Gröf

6 vetra hryssur.

1. Brá frá Bergi

2. Líf frá Skáney

3. Gusta frá Skipaskaga

7 vetra og eldri hryssur

1. Árborg frá Miðey

2. Gola frá Reykjavík

3. Pollý frá Leirulæk

Stóðhestar

4ra vetra stóðhestar

1. Vaðall frá Akranesi

2. Orfeus frá Vestri-Leirárgörðum

3. Ægir frá Efri-Hrepp

5 vetra stóðhestar

1. Valur frá Keldudal

2. Laufi frá Skáney

3. Magni frá Hellnafelli

6 vetra stóðhestar

1. Váli frá Eystra-Súlunesi

2. Asi frá Lundum

3. Þytur frá Skáney

7 vetra og eldri stóðhestar

1. Uggi frá Bergi

2. Arður frá Brautarholti

3. Alvar frá Nýja-Bæ.

Ræktunarbú Vesturlands 2011 er Berg, en ræktendur þar eru þau Anna Dóra Markúsdóttir og Jón Bjarni Þorvarðarson. Önnur bú sem voru tilnefnd eru: Brautarholt, Skáney, Skipaskagi og Vestri-Leirárgarðar.

Guðlaugur Antonsson hrossaræktarráðunautur Bændasamtaka Íslands fór yfir kynbótastarfið á árinu og Guðmar Auðbertsson dýralæknir hélt erindi um sæðingar og fósturvísaflutninga. Vöktu erindi þeirra upp margar spurningar hjá fundargestum sem þeir svöruðu greiðlega.

Fram kom í máli Gísla Guðmundssonar formanns Hrossaræktarsambands Vesturlands að samningar um stóðhesta fyrir næsta ár eru komnir vel á veg.