Bestu skeiðhross landsins á Selfossi í dag

Nú er orðið ljóst hvaða knapar og hestar mæta til leiks en dregið var í ráslista í beinni útsendingu á Eiðfaxa TV í gær og megum við svo sannarlega vera spennt fyrir deginum.

Það er ljóst að bestu skeiðhross landsins eru að mæta á Selfoss til að berjast um titil í bæði gæðinga- og 150 m. skeiði. Í fyrra voru það Konráð Valur Sveinsson á Kastori frá Garðshorni á Þelamörk sem vann gæðingaskeiðið og Gústaf Ásgeir Hinriksson á Sjóði frá Þóreyjarnúpi sem vann 150 m. skeiðið. Þeir mæta báðir til leiks á morgun og ætla sér eflaust að leika sama leik í ár.

Það eru ótrúlega sterk hross að mæta til leiks sem munu ekki gefa neitt eftir og eru líkleg til sigurs – til að mynda eru Landsmótssigurvegarar í gæðingaskeiði frá því í sumar, Hinrik Bragason og Trú frá Árbakka og Íslandsmeistararnir í 150 m. skeiði Konráð Valur Sveinsson og Kjarkur frá Árbæjarhjáleigu.

Ekki missa af þessu en eins og áður sagði hefst mótið kl. 13:00 á Brávöllum á Selfossi

Fyrir þá sem ekki eiga heimangengt geta horft á keppnina í beinni útsendingu á Eiðfaxa TV en það er um að gera að tryggja sér áskrift sem fyrst.

Ráslisti – Gæðingaskeið

Ráslisti – 150 m. skeið