Blikur á lofti í Hestablaðinu

Hestablaðið kemur út í dag. Í blaðinu er meðal annars úttekt á stöðunni í hrossabúskapnum. Samdráttur  erí hrossasölu og Félag hrossabænda einbeitir sé í markaðssetningu á hestaferðum og ferðaþjónustu á Íslandi, með því að bjóða tölvunotendum um víða veröld í hestatúr á YouTube, og telur það besta kostinn í stöðunni. Landssamband hestamannafélaga hefur áhyggjur af auknum kostnaði í hestamennskunni. Kristinn Guðnason, formaður Félags hrossabænda og Haraldur Þórarinsson, formaður LH, efast um ræktundarstefnuna og eru sammála um að of mikið sé af viðkvæmum og sjónhræddum hrossum sem þurfa of langa tamningu. Hægt er að kaupa áskrift í síma 511-662.