Brimfaxi gengur í LH

Hestamannafélagið Brimfaxi gengur inn í Landssamband hestamannafélaga á næstu vikum.

Brimfaxi er hestamannafélag Grindavíkur og hefur aðsetur í Dagmálaholti og var stofnað þann 25. mars 2010. Stofnfélagar félagsins er 64 talsins og er formaður þess Pétur Bragason.

Samkvæmt heimasíðu Brimfaxa er tilgangur félagsins að efla áhuga á hestum og hestaíþróttum í Grindavík og jafnframt gæta hagsmuna félaga sinna á því sviði. Einnig mun félagið stuðla sérstaklega að fræðslu og þjálfun unglinga og barna í hestaíþróttum. Fyrirhugað er að byggja reiðhöll á félagssvæðinu.

Brimfaxi mun vera 48. hestamannafélagið sem heyrir undir Landssamband hestamannafélaga.