Dennis og Muni unnu síðustu úrslit dagsins

A-úrslit í tölti meistara voru síðustu úrslit Norðurlandsmótsins. Ísland átti ekki fulltrúa í þeim úrslitum þar sem Sigurður Sigurðarson og Tígull frá Kleiva drógu sig úr keppni.

Norðurlandameistari er Dennis Hedebo Johansen á Muna fra Bendstrup með 8,61 í einkunn. Þeir kepptu fyrir hönd Danmerkur.

Í öðru sæti varð Kristján Magnússon á Óskari från Lindeberg með 8,33 í einkunn, en hann keppir fyrir hönd Svíþjóðar og í þriðja sæti varð Rasmus Møller Jensen á Röski fra Skjød með 7,94.