Diva hæst dæmda hrossið fætt í Svíþjóð

FEIF heldur utan um alls konar staðreyndir og tölfræði tengda aðildarlöndum sínum.  Samkvæmt tölum FEIF er Svíþjóð það land sem er með fjórða mesta fjölda af skráðum hrossum á lífi eða 26.078 talsins. Ef þetta eru rétt uppgefnar tölu hefur talsverð fækkun átt sér stað á milli ára í Svíþjóð.

Fjöldi lifandi hrossa sem eru skráð í Danmörku síðustu fimm ár

163 hross voru sýnd í Svíþjóð í ár á fimm kynbótasýningum. Það er talsvert færri hross en hefur verið undanfarin ár. Af þessum 163 hrossum eru 153 skráð með fullnaðardóm í WorldFeng og 106 af þeim eru hross fædd í Svíþjóð. Flest hross voru skráð á kynbótasýninguna Romme 2 sem var haldin 21. – 23 júní. Dómarar á sýningunni voru Guðlaugur V. Antonsson (IS), John Siiger Hansen (DK) og William Flügge (DK).

Fjöldi hrossa sem hafa hlotið dóm síðustu fimm árin í Svíþjóð

Efsta hrossið sem sýnt var í Svíþjóð er Gljátoppur frá Miðhrauni en hann hlaut 8,50 í aðaleinkunn, hann var jafnframt með hæstu hæfileika einkunnina 8,59. Hæst dæmda sænsk fædda hrossið er Diva från Ådalen en hún hlaut 8,36 í aðaleinkunn, 8,25 fyrir hæfileika og 8,56 fyrir sköpulag sem var jafnframt hæsta sköpulagseinkunnin gefin í ár í Svíþjóð.

Meðalaldur þeirra hrossa sem hlutu fullnaðardóm í Svíþjóð er 6,92 ár. Meðaltal sköpulagseinkunnar er 7,95, hæfileikaeinkunnar er 7,47 og aðaleinkunnar 7,64. 18 hross hlutu fyrstu verðlaun, 12 af þeim eru fædd í Svíþjóð.

Erlingur Erlingsson sýndi flest hross í Svíþjóð eða 36 talsins en næstur á eftir honum er Máni Hilmarsson með 17 hross

Tíu hæst dæmdu hrossin í Svíþjóð