Draumamót Guðmundar Einarssonar

Það var mikil spenna fyrir síðasta sprett í 250 metra skeiði fullorðinna á Norðurlandamóti því þar mættust þeir Kristján Árni Birgisson á Kröflu frá Syðri-Rauðalæk og Guðmundur Einarsson á Draumi från Tängmark. Fyrir lokasprettinn var Kristján í forystu á tímanum 22,94 sekúndur en Guðmundur hafði hraðast farið á 22,96 sekúndu.

Í lokasprettinum mistókst spretturinn hjá Kristjáni en Guðmundur náði frábærum tíma og stendur uppi sem Norðurlandameistari á 22,79 sekúndum, Guðmundur keppir fyrir Svíþjóð. Annar varð Kristján Árni á Kröflu og í þriðja sætinu ríkjandi heimsmeistarinn í greininni, Natalie Fischer á Ímni fra Egeskov á 22,99 sekúndum.

Tveir íslenskir knapar til viðbótar við Kristján tóku þátt í greininni og varð Bergþór Eggertsson í fimmta sæti á Fjalladís frá Fornusöndum á 23,74 sekúndum og Sigurður Narfi á Randver frá Þóroddsstöðum varð í sjöunda sæti á 23,74 sekúndum.